Khamriga, kiniiniyada, iyo daroogadu waxay dhaawac halis ah u geysan karaan jidhka qofka da'yar. Waxay sidoo kale u horseedi kartaa in dhallinyaradu ay ku dhacaan xaalado khatar ah. MiniMaria waxay taageero siin kartaa adiga oo da'yar ah, laakiin sidoo kale dadka waaweyn ee ku xeeran.

In qofku ku sakhraansanaado daroogo ama khamri waxay u horseedi kartaa in la galo xaalado khatar ah. Tusaale ahaan waxay noqon kartaa shil, muran ama garaacid, in qofku galmo sameeyo isaga oo aan rabin ama kufsi galmo. Khamriga iyo daroogadu waxay sidoo kale sababi karaan in qofku sameeyo waxyaabo aanu lahayn inuu sameeyo, inuu dambi galo ama uu dhaawaco naftiisa ama qof kale.

Ma ka welwelsan tahay naftaada ama saaxiib?

La hadal qof weyn oo aad ku kalsoon tahay ama nala soo xiriir MiniMaria ee Märsta. MiniMaria waxay u taagan tahay adiga da'da 13 ilaa iyo 20 jir, laakiin sidoo kale waaliddiintaada iyo dadka waaweyn ee kale ee ku xeeran.

Waxaan talo iyo taageero siinaa adiga oo qaba su'aalo ama dhibaatooyin la xiriira khamriga, kiniiniyada, ama daroogada. Waa ku filan tahay inaad adiga ama qof weyni uu kaa welwelsan yahay. MiniMaria waxaa ka wada shaqeeya la-taliye (quraator), kalkaaliye caafimaad, cilmi-nafsi yaqaan, iyo dhakhtar. Waxaan iskaashi dhow la leenahay Maria Ungdom, oo ka tirsan Region Stockholm. Dhammaan booqashooyinka nalagu sameeyo waa bilaash.

Qiimaynta isticmaalka walxaha

Qiimaynta isticmaalka walxuhu waa sawir-qaadis ku saabsan isticmaalka khamriga, daroogada, ama maandooriyaha. Waxaa ka mid ah, waxyaabo kale oo dhexdeeda ah:

• Kulan bilow ah oo ay wada joogaan qofka da'yar iyo waalidka
• Waddahadallo shakhsi ah oo lala yeesho qofka da'yar – caafimaadka maskaxda, sawir-qaadista daroogada, iyo xaaladda bulsho
• Qaadista shaydhka kaadida
• Waddahadal cilmi-nafsi – baaris lagu ogaanayo cudurrada dhimirka ee ugu caansan carruurta iyo dhallinyarada
• Waddahadal dhakhtar
• Waddahadal taageero waalid
• La-socodka qiimaynta oo lala sameeyo qofka da'yar iyo waalidka.

Waaliddiinta welwelsan

Adiga oo waalid ah uma baahnid inaad ogaato in ilmahaagu bilaabay cabbitaanka ama tijaabiyay daroogo si aad nala soo xiriirto. Waa ku filan inaad welwelsan tahay. Waxaad na soo wici kartaa oo aad su'aalo weydiin kartaa oo aad caawimaad heli kartaa.

Maria Ungdom

Dhallinyarada la xaqiijiyay inay balwad qabaan waxay caawimaad iyo taageero ka helayaan Maria Ungdom. Haddii aad u baahan tahay inaad si degdeg ah daryeel u hesho, Maria Ungdom Akut (degdegga) waxay qaabishaa dhallinyarada ilaa 20 jir ee qaba isticmaal khatar ah, balwad, iyo xaalado ku-tiirsanaan ah.