ኣብ ዝኾነ እዋን ብዘይ ድሌትኩም ብኽፍሊት ጾታዊ ርክብ ፈጺምኩም እንተ ነይርኩም፡ ወይ ካብ ሓደ ሰብ ጾታዊ ኣገልግሎታት ዓዲግኩም እንተ ነይርኩም፡ ቅኑዕ ደገፍ ኣብ ምሃብ ክኢላታት ናብ ዝኾና መቐበሊታት ክትውከሱ ትኽእሉ ኢኹም።

ጾታዊ ዓመጽ ነቲ ዝተጎድአ ሰብ ስንባደ እዩ፡ ግን ነቲ ንኻልእ ሰብ ዘጋጥሞ እውን ንምውጻእ ከቢድ ኩነታት ክኸውን ይኽእል። ነቲ ልምዲ ንምስባር ሓገዝ እንተ ኣድልዩኩም፡ ንስኹም ኣብ ኮሙን ሲግቱና እትነብሩ ናብ ናይ ከተማ ስቶክሆልም መቐበሊታት Mika ን Kast ን ክትውከሱ ትኽእሉ ኢኹም።

ብኽፍሊት ጾታዊ ርክብ

ብኽፍሊት ጾታዊ ርክብ ወይ ናይ ሹገር ዴቲንግ ተመኩሮ ኣለኩም ድዩ? ካልኦት ሸይጦምኹም ድዮም? ወይ ጽቡቕ ብዘየስምዓኩም መንገዲ ጾታዊ ርክብ ትፍጽሙ ዲኹም? እሞ ናብ Mikamottagningen ናይ ከተማ ስቶክሆልም ክትውከሱ ትኽእሉ ኢኹም። ኣብኡ ደጋፊ ዘተታትን ሕክምናዊ ምኽርን ክትረኽቡ ትኽእሉ። ክፍሊት የብሉን፡ ናይ ምስጢር ምሕላው ግዴታ ኣለዎም፡ ስምኩም ከይገለጽኩም ክትተርፉ ድማ ክትመርጹ ትኽእሉ ኢኹም። ብዛዕባ ሓደ ሰብ እትስከፉ ዘመድ፡ መጻምድቲ ወይ ዓርኪ እውን ናብ Mikamottagningen ክትውከሱ ትኽእሉ ኢኹም።

እታ መቐበሊ 18 ዓመት ወይ ልዕሊኡ ንዝኾንኩምን ኣብ ኮሙን ሲግቱና እትነብሩን ክፍቲ እያ።

ጾታዊ ኣገልግሎታት ምዕዳግ

ጾታዊ ኣገልግሎታት ምዕዳግኩም ወይ ጾታዊ ወልፍኹም ክትዘራረቡሉ፡ ክትንክዩዎ ወይ ክተቋርጹዎ ትደልዩ ዲኹም? ጾታዊ ኣገልግሎታት እትዕድጉ እንተ ኴንኩም፡ ንምቁራጽ ኣብ Kastmottagningen ናይ ከተማ ስቶክሆልም ሓገዝን ምኽርን ክትረኽቡ ትኽእሉ ኢኹም። ስምኩም ከይገለጽኩም ክትተርፉ ትኽእሉ ኢኹም፣ እቲ ምብጻሓት ድማ ብነጻ እዩ። እታ መቐበሊ ናይ ምስጢር ምሕላው ግዴታ ኣለዋ።

ናብ Kastmottagningen ክትውከሱ ትኽእሉ ኢኹም እንተ ድኣ፦

• ጾታዊ ኣገልግሎታት ትዕድጉ ኴንኩም
• ናይ ወሲብ ፊልምታት ኣብ ኢንተርነት ትርእዩ ኴንኩም
• ብዛዕባ ጾታዊ ኣገልግሎት ምዕዳግ ሓሳባት ኣለኩም ኴንኩም
• ጾታዊ ወልፊ ከም ዘለኩም ትስምዑ ኴንኩም።

ብተሌፎን፡ ብኢመይል ወይ ብምብጻሕ ናይ ዘተ ሕክምናን ምኽርን ክትረኽቡ ትኽእሉ ኢኹም። ባዕልኹም ወይ ብሓባር ከም መጻምድቲ ወይ ስድራቤት ክትውከሱ ትኽእሉ ኢኹም። ከም ዘመድ እውን ንምኽርን ደገፍን ናብኡ ክትውከሱ ትኽእሉ ኢኹም።

እታ መቐበሊ 18 ዓመት ወይ ልዕሊኡ ንዝኾንኩምን ኣብ ኮሙን ሲግቱና እትነብሩን ክፍቲ እያ።

ንዓኹም ትሕቲ 20 ዓመት ዝኾንኩም

ዝምድናኹም ጽቡቕ ኣየስምዓኩምን ድዩ? Ungarelationer.se ክሳብ 20 ዓመት ንዝኾንኩም፡ ኣብ ዝምድናኹም ዓመጽ ዝወርደኩም፡ ከምኡ ዘጋጥሞ ሰብ ዓርኪ ዝኾንኩም፡ ወይ ባዕልኹም ዓመጽ እትፍጽሙ ደገፍን ሓበሬታን ይህብ። እዚ ሕጂ ዝቕጽል ዘሎ ወይ ቅድም ዘጋጠመ ክኸውን ይኽእል።