Ma kugu adag tahay inaad xakameyso xanaaqaaga? Ma garaacday ama hanjabaad ugu jeedisay qoyskaaga ama dadkaaga ugu dhow, mise waxaad dareemaysaa inay jirto khatar aad taas samayn karto? Waa la beddeli karaa waxaana jirta caawimaad la heli karo.

Nala soo xiriir haddii aad

• dhibaato ku qabto inaad xakameyso xanaaqaaga, cadhada, iyo dhaqanka xagjirka ah
• isticmaashay nooc kasta oo rabshad ah oo xiriir dhow ah, oo aad rabto inaad caawimaad hesho si aad u joojiso garaacida iyo hanjabaadda
• aadan rabshad isticmaalin laakiin ka welwelsan tahay in xaaladaha khilaaf badan ee guriga ay u horseedaan rabshad
• ka welwelsan tahay in carruurtiinnu ay ka xumaadaan muranka guriga.

Maxaa dhaca marka la soo xiriiro?

Qofka soo xiriira waxaa la caawiyaa inuu ka hadlo oo uu sawiro xaaladaha u horseedi kara rabshadda. Waxaad xaq u leedahay inaad codsato daaweyn waxaana markaas lagaa caawiyaa inaad hesho xalal si aad u beddesho dhaqankaaga. Waxaan ku shaqeynaa qarsoodi waxaana leenahay waajibaadka sirta.

Sidee baan taageero u heli karaa?

Marka aad na soo wacdo waxaad heli doontaa fursad aad ku sheegto xaaladdaada oo aad ku sharraxdo waxa aad u baahan tahay caawimaad. Uma baahnid inaad sheegto cidda aad tahay. Waxaad la xiriiri kartaa Qaybta Qaabilaadda ama aad codsan kartaa taageero adoo maraya adeegga elektaroonigga ah ee degmada (e-tjänst).