Dibe ku jiyana bi kesekî re yê ku bi madeyên cuda an bi qumarê ve girêdayî ye dijwar be. Tu jî wekî xizm an nêzîk dikarî ji me piştgiriyê bistînî.

Ma tu nêzîkî kesekî yî ku pirsgirêkên wî yên girêdayîbûnê hene? Em hem piştgiriya takekesî hem jî komên axaftinê li ser mijarên cuda pêşkêş dikin. Bi xizm an nêzîk tê mebest bo nimûne hevjîn, zarok, dêûbav, xwişk an bira, hevalê jiyanê yê ku hûn bi hev re an ji hev cuda dijîn, hevalê nêzîk an hevkarê kar. Em bi hev re dikarin ji bo kesên ku bo nimûne bi alkol, madeyên hişbir an heban ve girêdayî bûne bibin piştgirî. Ew dikare li ser qumarê jî be.

Axaftinên piştgiriyê û koma xizman

Tu dikarî bi dermankarên me re axaftinên takekesî bikî an beşdarî koma me ya xizman bibî.

Koma xizman

Kom pênc caran, di navbera demjimêr 15.00–17.00 de, li lênêrîna vekirî ya Şaredariya Sigtuna li Södergatan 19a li Märsta dicive. Li wir derfeta te heye ku bi kesên din ên di heman rewşê de re hevdîtin bikî û ezmûnan parve bikî. Tu ji du rêberên komê şîret û piştgiriyê, amûrên berbiçav ji bo ka tu çawa nêzî xizmê xwe bibî û rêberiyê ji bo ka tu çawa dikarî dest pê bikî ku bala xwe bidî ser xwe distînî. Em di nav tiştên din de li ser nexweşiyên girêdayîbûnê, hevgirêdayîbûna nexweş (medberoende), danûstendin û sînoran diaxivin. Hevdîtin di komeke biçûk û girtî de pêk tên. Ji bo agahiyên zêdetir û qeydkirinê bi Lênêrîna Vekirî Direkt re têkilî dayne.

Ji bo piştgiriyê serlêdan bike an ragihandina fikarê bike

Bi rêya e-xizmeta şaredariyê tu dikarî ji bo xwe serlêdana piştgiriyê bikî heke tu ji 18 salî mezintir î. Tu dikarî ji bo mezinekî ku tu ji bo wî bi fikar î jî ragihandina fikarê bikî, dema ku mijar bikaranîna xerab a madeyan an girêdayîbûn be.