ኣብ ዝተፈላለዩ ነገራት ወይ ብገንዘብ ቁማር ጽግዕተኛ ምስ ዝኾነ ሰብ ብሓባር ምንባር ከቢድ ክኸውን ይኽእል። ንስኹም ከም ዘመድ ወይ ቀረባ ሰብ እውን ካባና ደገፍ ክትረኽቡ ትኽእሉ ኢኹም።

ናይ ወልፊ ጸገም ንዘለዎ ሰብ ቀረባ ዲኹም? ውልቃዊ ደገፍን ኣብ ዝተፈላለዩ ኣርእስታት ናይ ዘተ ጉጅለታትን ንህብ። ዘመድ ወይ ቀረባ ሰብ ክንብል ከለና ንኣብነት መጻምድቲ፡ ውላድ፡ ወላዲ፡ ሓው ወይ ሓፍቲ፡ ብሓባር ዝነብር ወይ ተፈልዩ ዝነብር መጻምድቲ፡ ቀረባ ዓርኪ ወይ መሳርሕቲ ማለትና እዩ። ንኣብነት ኣብ ኣልኮል፡ ናርኮቲክ ወይ ከኒናታት ወልፊ ንዘማዕበሉ ብሓባር ደገፍ ክንከውን ንኽእል። ብዛዕባ ብገንዘብ ቁማር እውን ክኸውን ይኽእል።

ደጋፊ ዘተታትን ጉጅለ ኣዝማድን

ምስ ሓካይምና ውልቃዊ ዘተታት ክትረኽቡ ወይ ኣብ ጉጅለ ኣዝማድና ክትሳተፉ ትኽእሉ ኢኹም።

ጉጅለ ኣዝማድ

እታ ጉጅለ ሓሙሽተ ግዜ ትራኸብ፡ ካብ ሰዓት 15.00–17.00፡ ኣብ ናይ ወጻኢ ሕክምና ኮሙን ሲግቱና ኣብ Södergatan 19a ኣብ Märsta። ኣብኡ ኣብ ተመሳሳሊ ኩነታት ዘለዉ ካልኦት ንምርካብን ተመኩሮ ንምልውዋጥን ዕድል ትረኽቡ። ካብ ክልተ መራሕቲ እታ ጉጅለ ምኽርን ደገፍን፡ ከምኡውን ንቐረባ ሰብኩም ብኸመይ ከም እትገጥምዎ ተጨባጢ መሳርሒታትን ንርእስኹም ኣብ ማእከል ከመይ ከም እትገብሩ መምርሒን ትረኽቡ። ካብቲ እንዝትየሉ፡ ናይ ወልፊ ሕማማት፡ ሓባራዊ ጽግዕተኛነት፡ ርክብን ዶባትን እዮም። እቲ ርክባት ኣብ ንእሽቶን ዕጹውን ጉጅለ ይግበር። ንተወሳኺ ሓበሬታን ምዝገባን ንክፉት ክንክን ቀጥታ ተወከሱ።

ደገፍ ሕተቱ ወይ ናይ ስክፍታ ጸብጻብ ኣቕርቡ

ብኤለክትሮኒካዊ ኣገልግሎት እቲ ኮሙን ኣቢልኩም ልዕሊ 18 ዓመት እንተ ኴንኩም ንገዛእ ርእስኹም ደገፍ ክትሓቱ ትኽእሉ ኢኹም። ብዛዕባ ወልፊ ወይ ጽግዕተኛነት እትስከፉሉ ዓቢ ሰብ እውን ናይ ስክፍታ ጸብጻብ ከተቕርቡ ትኽእሉ ኢኹም።